ურთიერთთანამშრომლობის მემორანდუმი

კულტურული ტურიზმის ხელშეწყობისა და განვითარების მიზნით, 2020 წლის 18 ივნისს, საქართველოს განათლების, მეცნიერების, კულტურისა და სპორტის სამინისტროსა და სსიპ საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა. მემორანდუმს ხელი მინისტრის მოადგილე ლევან ხარატიშვილმა და საქართველოს ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა მოაწერეს.

მემორანდუმი ეხება საქართველოში ევროპის საბჭოს კულტურული მარშრუტების პროგრამის მხარდაჭერასა და განვითარებას, კულტურული ტურიზმის მიმართულებით ერთობლივი პროექტების დაგეგმვასა და განხორციელებას. ასევე კულტურული მარშრუტების ინტეგრირებას საერთო ტურისტულ მიმართულებებში.