სამინისტრო არ აფინანსებს კულტურული მარშრუტების პროექტებს, სამინისტრო უზრუნველყოფს კულტურული მარშრუტების სერტიფიცირებას (საქართველოს კულტურული მარშრუტების სტრატეგიული განვითარებისა და სერტიფიცირების საბჭოს გადაწყვეტილების საფუძველზე) და სერტიფიცირებული კულტურული მარშრუტების შესახებ ინფორმაციის გავრცელებას სოციალური მედიის საშუალებით, როგორც ადგილობრივ, ასევე საერთაშორისო დონეზე.

საქართველოს კულტურისა და სპორტის სამინისტროსთან არსებული საქართველოს კულტურული მარშრუტების სტრატეგიული განვითარებისა და სერტიფიცირების საბჭოს გადაწყვეტილების შესაბამისად, სერტიფიცირებულ კულტურულ მარშრუტებს, შეუძლიათ ისარგებლონ საქართველოს კულტურული მარშრუტების ლოგოთი, და ასევე  სამინისტროსა და კულტურული მარშრუტების სოციალურ ქსელში (ვებ-გვერდზე, facebook გვერდზე და მობილურ აპლიკაციაში) მათი მარშრუტის შესახებ ინფორმაციის განთავსებით; იმ შემთხვევაში, თუ სერტიფიცირებისთვის წარმოდგენილ კულტურულ მარშრუტს ჰყავს მინიმუმ 2 პარტნიორი (ევროპული) ქვეყანა, მარშრუტს ეძლევა შესაძლებლობა მოახდინოს პროექტის ინიცირება ევროპის საბჭოს კულტურული მარშრუტების სერტიფიცირებისთვის. სამინისტრო შუამდგომლობს საჭირო პროცედურების შესახებ.

კრიტერიუმები, რომლითაც შეფასდება პროექტის მიზნის მიღწევა (მაგ: პროექტში მონაწილე რეგიონის(ების) ინფრასტრუქტურის განვითარების შესაძლებლობები, სამუშაო ადგილების შექმნა, ადგილობრივი მოსახლეობის დაინტერესება და ჩართულობა, მარშრუტში წარმოდგენილი კულტურული მემკვიდრეობის ძეგლების წარმოჩენა/პოპულარიზაცია და მათი მოვლა-პატრონობისთვის ალტერნატიული წყაროების მოძიება, კულტურული მარშრუტით დაინტერესებული ტურისტების რაოდენობა, გამოხმაურება მედიაში, დასაქმებულ ხელოვანთა რაოდენობა და ა.შ.)

წრიული მარშრუტი - იწყება და სრულდება ერთი და იგივე დანიშნულების ადგილას, ოღონდ უკან დასაბრუნებელი გზა არის განსხვავებული; ცალმხრივი მარშრუტი - იწყება და სრულდება ერთი და იგივე დანიშნულების ადგილას, ოღონდ წრიულისგან განსხვავებით, უკან დასაბრუნებელი გზა არის იგივე. გამჭოლი მარშრუტი - იწყება და სრულდება ორ სხვადასხვა დანიშნულების ადგილას და მისი დაწყება შესაძლებელია ორივე მიმართულებიდან.

პროექტის ფარგლებში განსახორციელებელი ეტაპების დეტალური აღწერა, „პროექტის აღწერაში“ წარმოდგენილი კონკრეტული მარშრუტის განვითარების შემდგომი ეტაპები.